Pædagogikki, Ulluinnarisaq aamma Periutsit

Erik Laursen (Redaktør), Tanja Miller (Redaktør)

Publikation: Bog/antologi/afhandling/rapportAntologiFormidling

Abstrakt

Atuakkap siunertaraa atuartup Kalaallit Nunaanni meeqqat angerlarsimaffiini arlalinni inuunermik paasissutissinnissaa, tamatumani isiginiarlugit aaqqissugaanikkut ilusiliussat, illutigut initigullu sinaakkutigisat aamma samt suliassat ulluinnarni suliarineqartanerat.

Atuakkap atuartussaq, Kalaallit Nunaanni meeqqat angerlarsimaffiini, annertuunik - meeqqallu angerlarsimaffiinut allanut naleqqiullugu immikkut ittunik - unammilligassaqartuni pissutsinik assigiinngitsunik paasissutississavaa. Nassuiarneqarput meeqqat angerlarsimaffiisa Kalaallit Nunaata oqaluttuarisaanerani, kulturiani ileqqorisatigullu immikkut tunuliaqutarisaat, aamma aaqqissugaanikkut tigussaasutigullu ilutsit, angerlarsimaffiit ulluinnarisaannut sinaakkutaasut. Saqqummiinermi annermik sammineqarput
angerlarsimaffiit allaaserineqartut piffissamut inissanullu, skemat pilersaarutillu aamma illunik titartaasarneq atorlugit, kiisalu init pisatsersornerinut atornissaannullu malittarisassat aqqutigalugit ulluinnarisaminnik ilusilersuisarnerat. Pingaarutillit allat tassaapput meeqqat inersimasullu attavigiinnerat aamma ‘tamakkiisumik’ suliffeqarfiutigaluni, meeqqat toqqissisimanissaannut ingerlalluarnissaannullu pisariaqartumik ‘angerlarsimaffipp alaassusermik’ ilorrisimaarnartuunissamillu pilersitsinissap oqimaaqatigiissinnissaat.

Saqqummiussat Kalaallit Nunaanni sumiiffiit tikillugit ilisimatusarnermik 2017-imi ukiakkut ingerlanneqartumik tunngaveqarput.

Atuagaq perorsaasunut, isumaginninnermik suliaqartunut, aqutsisunut, ilinniartunut, politikerinut, ingerlatsivinnut ilisimatuunullu Kalaallit Nunaanni meeqqat angerlarsimaffiinik soqutiginnittunut saaffiginnippoq. Neriuutaavoq atuagaq meeqqat angerlarsimaffiisa pisatsersugaanerat, aaqqissugaanerat siunissaallu pillugit ataatsimoorluni eqqarsaatersornermut oqallinnermullu aallaaviujumaartoq.

Ilisimatusarnikkut suliaq, atuakkamut tunngaviusoq, piviusunngorpoq Ilulissani Perorsaanermik Ilinniarfiup, University College Nordjylland-ip aamma Aalborg Universitet-ip suleqatigiinnerisigu
OriginalsprogAndet
Antal sider272
ISBN (Elektronisk)978-87-7210-730-1
StatusUdgivet - 2021
NavnOrganizational Learning and Management Studies
ISSN2446-1814

Citationsformater